2020 թվականի փետրվարի 17-ին Գյումրի բժշկական կենտրոնում ստորագրվեց համագործակցության հուշագիր Գյումրիում գիտության և մշակույթի ռուսական կենտրոնի և Գյումրի բժշկական կենտրոնի  միջև: Փաստաթղթի տակ իրենց ստորագրությունները դրեցին Գյումրիում գիտության և մշակույթի ռուսական կենտրոնի  ղեկավար Հարություն Համբարձումյանը և Գյումրի բժշկական կենտրոնի  տնօրեն Արմեն Իսահակյանը:

Սույն հուշագրի շրջանակներում կողմերը ցանկություն են հայտնում ընդլայնել համագործակցությունը և համատեղ գործունեությունը գիտության և կրթության բնագավառում: Այս համագործակցությունն իր մեջ ներառում է համատեղ հետազոտական ​​ծրագրերի, փորձի փոխանակումների, կոնֆերանսների, ֆորումների, գիտական ​​և կրթական դասախոսությունների անցկացումներ, Հայրենական մեծ պատերազմի վետերանների անվճար բժշկական զննում և այլն:

Իր խոսքում Գյումրիում գիտության և մշակույթի ռուսական կենտրոնի ղեկավարը նշեց. «Մեր համատեղ գործունեությունը, առաջին հերթին, նվիրված կլինի Գյումրի բժշկական կենտրոնի զարգացմանը: Մենք հուսով ենք, որ կկարողանանք աջակցել կապեր հաստատել Ռուսաստանի բժշկական հաստատությունների հետ»:

Գյումրի բժշկական կենտրոնի տնօրեն Արմեն Իսահակյանն իր հերթին շեշտեց, որ Գյումրիում գիտության և մշակույթի ռուսական կենտրոնի հետ բազմաթիվ համատեղ ծրագրեր են իրականացվել: «Այսօր մենք սկսում ենք նոր փուլ ՝ Գյումրի բժշկական կենտրոն ավելի մեծ հոսք ապահովելու համար: Ինչպես բոլորը գիտեն, համագործակցության նմանատիպ պրակտիկա մենք ունենք «ՄՌՏ Էքսպերտ»-ի հետ»: Այն ժամանակակից սարքավորումները, որոնցով հագեցված է բժշկական կենտրոնը, հնարավորություն են տալիս Շիրակի մարզի և շրջակա տարածքների բնակիչներին ժամանակին անցնել որակյալ հետազոտություն: Հուշագրի ստորագրման նպատակը մեր քաղաքում բարձրորակ բժշկական ծառայություն մատուցելն է», - ասաց նա: